នគរបាលខេត្តកំពត អាវុធហត្ថ និងអ្នកទទួលផលចោរកម្ម ក្នុងសំណុំរឿងលួចវត្ថុតាងក្នុងកាស៉ីណូ នៅព្រែកចាកពាក់ព័ន្ធ Online Scams ត្រូវតំណាងអយ្យការអមសាលាដំបូងរាជធានីភ្នំពេញសម្រេចចោទប្រកាន់

ភ្នំពេញ៖ នគរបាលខេត្តកំពត កងរាជអាវុធហត្ថខេត្តកំពត និងអ្នកទទួលផលចោរកម្ម សរុបចំនួន៥៤នាក់ ក្នុងសំណុំរឿងលួចវត្ថុតាងក្នុងកាស៉ីណូ នៅព្រែកចាក ពាក់ព័ន្ធបទល្មើស Online Scams ត្រូវបានតំណាងអយ្យការអមសាលាដំបូងរាជធានីភ្នំពេញ សម្រេចចោទប្រកាន់ជាផ្លូវការ នៅថ្ងៃទី៣១ ខែឧសភា ឆ្នាំ២០២៦នេះ។

សេចក្ដីរាយការណ៍ពីអ្នកនាំពាក្យតំណាងអយ្យការអមសាលា ដំបូងរាជធានីភ្នំពេញ ក្នុងសំណុំរឿងដែលត្រូវបានបញ្ជូនមកពីខេត្តកំពត​ ត្រូវបានតំណាងអយ្យការអមសាលាដំបូងចោទ ប្រកាន់ តាមរយៈ​ដីកាបញ្ជូនរឿងឲ្យស៊េីបសួរពីបទ​ផ្តេីមគំនិត​ សមគំនិត​ ក្នុងបទលួចដោយមានស្ថានទម្ងន់ទោស​ និងបទ លុបបំបាត់ភស្តុតាង​ បទលួចដោយមានស្ថានទម្ងន់ទោស​ និងបទលុបបំបាត់ភស្តុតាង​ និងបទទទួលផលចោរកម្ម​ តាមបញ្ញាត្តិ មាត្រា​២៨​ មាត្រា២៩​ មាត្រា​៣៥៣​ មាត្រា​៣៥៧​ មាត្រា​៣៩៩​ មាត្រា​៤០០​ និងមាត្រា​៥៣៣​ នៃក្រមព្រហ្មទណ្ឌ​។

សូមរំលឹកថា នគរបាល និងអាវុធហត្ថខេត្តកំពត ដែលត្រូវបានចាប់ខ្លួន និងតំណាងអយ្យការចោទប្រកាន់ បន្ទាប់ពីពួក គេរួមគំនិតគ្នាចូលលួចយកវត្ថុតាងដែលបម្រើឲ្យសកម្មភាពប្រព្រឹត្តបទល្មើស Online Scams នៅទីតាំងដែលពួកគេយាមកាមក្រោយពីបង្ក្រាប ក្នុងអគារកាស៉ីណូមួយរបស់អតីតឧកញ៉ា លី គួង នៅព្រំដែនព្រែកចាក ខេត្តកំពតុ៕