ស្នងការខេត្តកំពត លោក ម៉ៅ ច័ន្ទមធុរិទ្ធ បានអះអាងថាពិត ជាបានចាប់ខ្លួនមន្ត្រីនគរបាលខេត្តកំពត និងមន្ត្រីអាវុធហត្ថសរុបជាង ៣០នាក់ មែន ដែលពួកគេបានគប់គិតគ្នា លួច សម្ភារៈដែលដកហូតបានពីការបង្ក្រាបបទល្មើសឆបោកតាមប្រព័ន្ធបច្ចេកវិទ្យា(Online Scam) នៅកាស៊ីណូនៅច្រកព្រែកចាក។
លោក ម៉ៅ ច័ន្ទមធុរិទ្ធ ប្រាប់អ្នកសារព័ត៌មានថា ពួកគាត់គប់ គិតគ្នាជាមួយ ខាងកងរាជអាវុធហត្ថ ចុះទៅយកសម្ភារដែលបានបិទខ្ទប់ពីការបង្ក្រាប លោកបានបន្តទៀតថា កម្លាំងជំនាញកំពុងធ្វើការបន្តតាមនីតិវិធីច្បាប់។មន្ត្រីដែលត្រូវបានចាប់ខ្លួន មានទាំងស្នងការរងខេត្ត, អធិការនគរបាល, អធិការរង, មេបញ្ជាការវរការពារព្រំដែន, មន្រ្តីនគរបាល និងមន្រ្តីអាវុធហត្ថ។
ទោះយ៉ាងណាមហាជននិងអ្នកតាមដានកំពុងតែចង់ឃើញមុខក្រុមមន្ត្រីប្រព្រឹត្តអំពើលួចទាំងអស់នោះ ឱ្យបានឆាប់ៗបំផុត៕
No comments:
Post a Comment