សម្ដេចព្រះមហាសង្ឃរាជ ជាអម្ចាស់ ស្ដេចយាង ជាព្រះរាជកិត្តិយសដ៏ខ្ពង់ខ្ពស់ ក្នុងពិធីប្រគល់ផ្ទះ ចំនួន១០៤ខ្នង ជូនគ្រួសារអតីតយុទ្ធជន នៅស្រុកគាស់ក្រឡ ខេត្តបាត់ដំបង

បាត់ដំបង÷ នៅព្រឹកពុធ ១២រោច ខែពិសាខ ឆ្នាំមមី អដ្ធស័ក ពុទ្ធសករាជ ២៥៧០ ត្រូវនិងថ្ងៃទី១៣ ខែឧសភា ឆ្នាំ២០២៦ សម្ដេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជ នៃគណៈធម្មយុត្តិកនិកាយ នៃព្រះរាជាណាចក្រកម្ពុជា និងជាសម្ដេចព្រះប្រធានគណ:សង្ឃនាយក នៃគណៈធម្មយុត្តិកនិកាយ នៃព្រះរាជាណាចក្រកម្ពុជា ស្ដេចយាង ជាព្រះរាជកិត្តិយសដ៏ខ្ពង់ខ្ពស់ ក្នុងពិធី ប្រគល់ផ្ទះ ចំនួន១០៤ខ្នង ជូនគ្រួសារអតីតយុទ្ធជន នៅភូមិ គោករកា ឃុំជូនបា ស្រុកគាស់ក្រឡ ខេត្តបាត់ដំបង ក្រោមអធិបតីព្រះដ៏ខ្ពង់ខ្ពស់ ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា៕