បងប្អូនប្រជាពលរដ្ឋសាសនិកខ្មែរឥស្លាមចំនួន៣ភូមិ ក្នុងក្រុងកំពង់ឆ្នាំង ទទួលបានការរៀបចំអាហារសាមគ្គីស្រាយបួស ខែរាំម៉ាឌន ជាជំនួយឧបត្ថម្ភរបស់សប្បរសជន ប្រទេសគុយវ៉ែត តាម រយៈអង្គការសម្របសម្រួលនិងអភិវឌ្ឍន៍

 

កំពង់ឆ្នាំង÷ នៅល្ងាចថ្ងៃទី១៧ ខែមីនា ឆ្នាំ២០២៦ បងប្អូនប្រជាពលរដ្ឋ សាសនិកខ្មែរឥស្លាម ចំនួន៣ ភូមិ នៅក្នុងក្រុងកំពង់ឆ្នាំង ទទួលបានការរៀបចំអាហារស្រាយបួសខែរ៉ាម៉ាឌន ដែលដែលជាថវិកា ឧបត្ថម ពីសប្បុរសជន ពីប្រទេសគុយវ៉ែតតាមរយៈអង្គការសម្របសម្រួលនិងអភិវឌ្ឍន៍ ដោយមានការអញ្ជើញចូលរួម ពីសំណាក់លោក សាន់ យូ អភិបាលរងខេត្តកំពង់ឆ្នាំង និងជាប្រធានគណៈចលនាសាសនិកឥស្លាមខេត្តកំពង់ឆ្នាំង និងលោក ម៉ាត់ សារី អនុប្រធានគណៈចលនាសាសនិកឥស្លាមខេត្តកំពង់ឆ្នាំង លោកអភិបាលរងក្រុងកំពង់ ឆ្នាំង និងលោក ម៉ូត នូវ៉ាវី អភិបាលរងស្រុកទឹកផុស ដែលជាតំណាងឲ្យម្ចាស់ជំនួយឧបត្ថម្ភពីសប្បុរសជនប្រទេសគុយវ៉ែតតាមរយៈអង្គការសម្រាប់សម្រួលនិងអភិវឌ្ឍន៍។

ជាមួយគ្នានោះដែរ លោក សាន់ យូ អភិបាលរងខេត្ត និងជាប្រធានគណៈចលនាសាសនិកឥស្លាមខេត្តកំពង់ឆ្នាំង បានផ្ដល់ថវិកាឧបត្ថម្ភចំនួន ២០ ម៉ឺនរៀល ជាថវិកាផ្ទាល់របស់លោក សាន់ យូ ផ្ដល់ជូន (សូរ៉ាវ) វិហារតូច ភូមិទី៧ សង្កាត់ខ្សាម ក្រុងកំពង់ឆ្នាំង។

គួបបញ្ជាក់ផងដែរថា បងប្អូនប្រជាពលរដ្ឋ សាសនិកខ្មែរ ឥស្លាម ដែលបានទទួលនូវអាហារសាមគ្គី ស្រាយបួស ខែរ៉ាម៉ាឌន ដែលជាជំនួយឧបត្ថម្ភរបស់សប្បុរសជន ពីប្រទេសគុយវ៉ែត តាមរយៈអង្គការសម្របសម្រួលនិងអភិវឌ្ឍ ដែលមានចំនួន៣ភូមិ នេះ ១ វិហារធំ ភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង ២ សូរាវ (វិហារតូច) ភូមិទី៧ សង្កាត់ខ្សាម ក្រុងកំពង់ឆ្នាំង ៣ វិហារធំ ភូមិទី៤ សង្កាត់ខ្សាម ក្រុងកំពង់ ឆ្នាំង ក្នុងខេត្តកំពង់ឆ្នាំង៕